🌈 Bancos pola Igualdade e Xustiza Social en Bergondo
O Concello de Bergondo puxo en marcha no ano 2023 o proxecto Bancos pola Xustiza Social, unha iniciativa de sensibilización cidadá pola igualdade e os dereitos sociais, financiada cos fondos do Pacto de Estado contra a Violencia de Xénero.
Tras un proxecto piloto no que se creou o primeiro banco pola igualdade, no outono de 2023 realizouse unha intervención artística sobre oito bancos máis do mobiliario urbano, en colaboración coa artista local Iria Fafián.
Cada banco foi deseñado de maneira colaborativa, mediante obradoiros abertos á veciñanza organizados polo Departamento de Servizos Sociais. Participaron centros educativos, colectivos locais e entidades sociais, xerando así un vínculo entre as persoas e o espazo público.
Estes bancos son hoxe símbolos de respecto, diversidade e inclusión, convertendo o espazo urbano nun lugar de reflexión e compromiso coa igualdade.
🪑 Listado dos Bancos pola Igualdade
- Infancia
👧 Colaboradores: alumnado de 3º de Educación Primaria do CPI Cruz do Sar.
📍 Emprazamento: Patio do CPI Cruz do Sar.
🔗 Ver en Google Maps - Mocidade
👦 Colaboradores: alumnado de 3º de ESO do CPI Cruz do Sar.
📍 Emprazamento: Patio do CPI Cruz do Sar.
🔗 Ver en Google Maps - Persoas Maiores
👵 Colaboradores: grupo da actividade de estimulación da memoria de Lubre, co apoio do monitorado de envellecemento activo.
📍 Emprazamento: Ao carón do Centro Social de Lubre “Maruxa do Chelo”.
🔗 Ver en Google Maps - Diversidade Sexual
🏳️🌈 Colaboradores: Clube de Lectura LGTBIQ+ As Mariñas e Asociación ALAS Coruña.
📍 Emprazamento: Praia de Gandarío (Ouces).
🔗 Ver en Google Maps - Diversidade Cultural
🌍 Colaboradores: grupo da actividade “saudablemente” da parroquia de Bergondo, coa colaboración das ONG Mestura (Culleredo) e Sen Valos (A Coruña).
📍 Emprazamento: Centro Social de Cortiñán, en homenaxe a Josefa Crespo Veiga “Fina a costureira”.
🔗 Ver en Google Maps - Diversidade Funcional
♿ Colaboradores: persoas do Centro de Promoción da Autonomía Persoal (CPAP) e do proxecto Universo Diverso do Concello de Bergondo.
📍 Emprazamento: Praia do Regueiro (Fiobre).
🔗 Ver en Google Maps - Saúde Mental
💚 Colaboradores: grupo da actividade “saudablemente” da parroquia de Ouces e Asociación TP Galicia.
📍 Emprazamento: Centro de Saúde de Guísamo.
🔗 Ver en Google Maps - Medio Ambiente
🌿 Colaboradores: grupo aberto de veciñas e veciños do municipio.
📍 Emprazamento: Centro Social de Santa Marta de Babío.
🔗 Ver en Google Maps - Lectura
📚 Autora: creación libre da artista Iria Fafián.
📍 Emprazamento: Centro Social de Vixoi, en homenaxe a Luísa Viqueira Landa.
🔗 Ver en Google Maps
O proxecto culminou cun acto público no edificio A Senra en decembro de 2023, onde participaron os colectivos implicados, as entidades colaboradoras e a veciñanza.
🎥 Vídeo do proxecto: https://youtu.be/nW93DVln148
📸 Fotografías: Google Drive
