Esta casiña é un exquisito exemplo da arquitectura rural galega. Tanto a limpeza, a decoración, os servizos incluídos como o entorno son merecentes do viaxeiro máis esixente.

A vivenda distribúese en dúas plantas, contando na planta baixa coa cociña e o salón (no cal hai un sofá-cama dobre) ademais dunha acolledora cheminea. Na planta superior dispóñense dúas habitacións dobres, unha delas con balcón, e un cuarto de baño completo.

A casa conta cun amplo xardín, grellada e mesmo o típico hórreo galego.

Trátase, polo tanto, dun bo lugar para relaxarse unha fin de semana ou gozar duns recordos inesquecibles. Resulta ideal para parellas con fillos e a súa situación permite visitar facilmente lugares emblemáticos como a Costa da Morte, as Rías Altas, Santiago de Compostela ou A Coruña.

O seu entorno rural complétase coa proximidade das praias da Ría da Coruña-Ferrol, da vila turística de Sada (a 5 km) e con todos os servizos necesarios como centro médico, supermercados, destacados restaurantes, etc.